pipe 2007-5-23 16:19
猛鬼教師咪得罪
[size=12px]猛鬼教師咪得罪
香港o既寄宿學校唔係太多，但由於寄宿學校所座落o既位置都比較偏僻，所以大部份宿舍都會流傳o左好多鬼故。當中固然有好多係學生悶得滯亂作出o黎o既，但有刋又真係好難解釋。
鬼教師
事件發生o係十幾年前，十五歲o既Daisy因為媽媽去o左美國坐移民監，爸爸又成日要去外地公幹，所以被送到西貢一間寄宿學校讀書。雖然宿舍規矩嚴，但係可以同一班同年齡o既女仔一齊住、一齊玩、一齊返學放學，Daisy已經漸漸習慣。
每逢週末學生多數會離開宿舍返屋企，不過由於Daisy冇屋企人o係香港，所以佢會留o係宿舍。但係日日困o係宿舍又實在好悶，於是Daisy就搵埋幾個同樣留o係宿舍o既同學一齊偷走出去食糖水。玩完一輪之後，直到差唔多十一點，佢o地八個女仔先興盡返歸。佢o地揀o左由學校側門爬入去，一路上都冇被人發覺，直至返到宿舍門口……
「咦！過晒熄燈時間啦！點解舍監間房仲有燈著o既？」Daisyo既同學阿芳突然發覺宿舍地下近門口一間房仲著o左燈，所以好緊張咁叫停其他同學。
「會唔會係舍監知道我o地偷走o左出去，所以o係度『捕』我o地呀？」Daisy開始擔心。
「企o係度都唔係辦法o架！入去啦！或者佢等到𠳓著o左呢！」另一個同學彤彤講完就第一個開門入去。佢o地慢慢行近舍監間房，果然俾佢o地見到有個人坐o左o係張𡟜前面。
「死啦！佢擰轉頭呀……咦！唔係舍監o黎o既？」Daisy忍唔住嗌。
o個個人聽到有聲，都即刻回頭望o左一o既。佢見到Daisy佢o地八個人o係度呆企，即刻問佢o地：「都就考試囉，仲偷走出去玩？ 」
「舍監你仲未走咩？我o地出去散步之嘛！而家返房喇！」八個人裡面有兩個係舊生，佢o地突然係咁扯走其餘六個人。
「返房先啦！走啦！」兩個舊生其中一個叫阿君o既拉住Daisy嗌。
「咁都得呀？唔使解釋o既咩？」Daisy入到房後問。
「佢係以前o既舍監o黎o架！」阿君同其他人講。
「咁都係o既！或者佢今日o黎代住先呢！不如落返去同佢解釋啦！佢都好似好好人咁！」Daisy鬼咁驚青話。
「唔得o架！佢唔係人o黎o架！」阿君講。「一年前我們o向o黎o既時候，佢突然急病死o左！而家呢個舍監係替佢o架！」
「咁佢做乜出o黎嚇我o地呀？」Daisy面青青問。
「我之前都聽人講過，夜晚呢個前舍監會o係宿舍裡面行o黎行去巡房，有時見到學生咁樣冇鎖門就睡著o左o既話，佢仲會幫個學生蓋被添呀！」阿君越講越驚，卒之幾班人成晚逼埋一齊𠳓覺，第二日一早就離開學校出市區。
後o黎越諗越驚，Daisy終於忍唔住打電話俾身處外國o既媽媽，話死都唔肯再返學同入宿舍。結果一個禮拜後Daisy成功退學，仲搭飛機去美國搵媽媽，冇再返o黎香港讀書。
猛鬼寄宿學校外傳之一
赤柱某學校的宿舍
有一次，一個同學小息o個陣偷偷o地跑返宿舍，結果見到一個人o係度換衫。呢個同學就順口話：「妳都偷偷o地跑返o黎呀？」點知o個個人一擰轉頭，塊面竟然係爛o既！嚇到佢即刻衝出宿舍。由於佢係偷雞返宿舍，所以只係敢同同學講。第二日一早，當佢準備執�讀蟛よ既時候，竟然見到𡟜面放o左一張紙條，寫住：「學妹對不起，把妳嚇到了！」
猛鬼寄宿學校外傳之二
西貢某學校禮堂
一般學校o既禮堂除o左日頭有活動進行外，夜晚通常都會丟空；但係寄宿學校就唔同，學生o係夜晚都有機會借用學校禮堂搞Function。呢間學校就有個傳聞，話說有學生因為要為比賽練習，所以好夜先由學校行返宿舍。當佢經過禮堂o既時候，聽到有人o係裡面排緊話劇，有好幾把聲o係度對緊台詞；但係當佢好八卦咁伸個頭入去禮堂，諗住睇o既邊個o係度排戲o個陣，竟然一個人都見唔到！[/size]
