lemon仔 2007-6-26 16:58
冥府手電急 Call 人
[table][tr][td][size=12px]冥府手電急 Call 人
「嘩！手提電話呀！」
興仔路經街邊一間紙紮舖，舖頭門口掛了一袋袋紙紮品，其中最搶眼的都算係呢副紙紮手電套裝。因為覺得好過癮，所以興仔忍唔住入去紙紮舖向店員攞來睇。
「阿姐！唔該這副手電套裝攞來睇！」
「要邊個牌子呀！」
「有好多牌子！」
「有Motorala、Rokia同Erssion三款，Rokia好好賣蕂，剩返幾部咋，要買好買喇！」
「乜Rokia効下面都咁勁？」
「好多人生前都係用Rokia，咁佢過o左身的後人驚燒第二個牌子俾佢，佢會唔識用，咪用返Rokia囉！你個先人用開邊隻牌子呀？」
「佢o地冇用開，我老豆死o個陣時仲係用Call機咋！你有冇Call機賣呀？」
「不如買手電連Call機套裝啦！差唔多價錢咋！」
講完之後，店員就執起一盒有晒包裝於紙盒俾興仔。興仔見都係幾十蚊，於是買返屋企，諗住玩完之後燒俾老豆。當佢返到屋企，即刻拎盒紙紮手提電話出來睇。裡面除了一個手提電話之外，仲有一個叉電器、後備電芯同Call機，簡直同真的一樣。最搞笑都係Call機上面印住「冥府通訊為你服務」，製作認真得好搞笑。
玩完一輪之後，興仔就將盒紙紮手提電話俾阿媽，叫佢燒俾老豆。當盒紙紮電話在火中燒的時候，興仔仲講笑咁同阿媽講： 「唔知老豆收唔收到？收到打個電話返來呀！」
燒完之後，興仔就同阿媽食飯，跟住就睇電視。突然屋企電話響起，興仔當然第一時間過去接電話，不過電話根本冇人出聲，興仔就即刻收線。當佢擰轉身諗住返去客廳睇電視時，竟然見到過了身的老豆企在身邊，而手上更拿著部電話。
「衰仔，燒個爛Call機比我做乜呀？個電話又冇說明書，仲唔快些教我用？」
興仔見到過身近十年的老豆竟然真係出現，簡直嚇到呆，「老豆……你真係收到個電話呀？」
「收到，不過用唔到。你快來幫我睇，我唔識用。」
於是興仔手震震接過電話，睇冲好耐終於發覺原來個電話少了張Sim卡，「個電話冇了張Sim卡，先頭都明明有的！可能跌了，等我搵。」於是興仔就在屋企地下四圍搵，終於俾佢搵到張「紙Sim卡」，插返入去個電話之後，興仔就俾返佢老豆。
「用得喇！你按完數字就按綠色掣啦！」
「等我試𣈳先！」興仔就咁眼定定望住一個死人，在佢面前打電話，而屋企的電話亦即時嘟嘟∼嘟嘟∼嘟嘟∼響。
老豆終於露出滿意簕笑容，臨走時仲同興仔講：「其實先頭一收到，我下面的朋友個個都湧埋我身邊話想試打。我而家好威呀，因為我住o個頭得我有手提電話咋！」
自此之後，興仔老豆就成日打電話返屋企同興仔阿媽傾偈，搞到興仔好鬼煩。如果你唔想成日都同死的人傾電話，最好都係咪立亂燒手電俾先人；但如果燒了，就要記得耐唔耐燒多舊後備電俾佢。[/size]
[/td][/tr][tr][td]
[/td][/tr][/table]
