小學生 2007-6-29 16:20
地鐵遇見多一個「自己」
[size=12px]地鐵遇見多一個「自己」
時間：99年５月•地點：旺角地鐵站•人物：阿月、阿May
o係呢個月o既一個下午，我家姐同佢個Friend阿Mayo係旺角地鐵站搭車時，遇到件怪事，呢件事o既後遺症實在太大。
佢兩個一邊等車，一邊傾偈時，阿May見到個年輕女仔呆站o係月台車尾嗰邊。列車到站時，佢突然跳落路軌，所有人都畀呢個女仔o既舉動嚇o左一跳。
有關人員即刻將成個地鐵站封閉，並安排將架列車吊起，希望與救護人員及消防員合作，救返個女仔。但發生o既怪事，令在場人士震驚。
當列車被吊起後，工作人員並無任何發現，照估計咁樣畀車撞法，實死無生，但係居然連屍骸都冇，血就更加冇。
事後阿May同我家姐講，話當時見到嗰個企o係月台車尾o既女仔，覺得佢o既外型同佢自己好似。於是再仔細望多兩眼，簡直嚇o左一跳，眼前o既人無論衣著同樣貌，竟然跟自己一模一樣，仲睇住「自己」當列車駛至時跳落路軌。佢驚慌失措之下，完全冇去探索到呢個「自己」自殺o既動機，立即離開月台，離開地鐵站。
事隔幾日，佢仍然驚到震，仲染上怪病，平均每個星期都要去醫院住兩日，到o左５月尾便病重去世。
李終貴按：你口中o既「自己」會唔會係先兆？終貴聽朋友講過佢o既經驗。由佢12歲開始，當每次見到同一隻盲眼o既貓o係眼前飛過，總有一個親人死去。到佢上年最後一次見到嗰隻盲眼o既貓時，係隻貓被車撞死o係馬路中間。事隔兩日，連佢身邊唯一o既母親亦被車撞死。
隻貓死o左，親人死o左，而家佢孤伶伶一個，只有朋友。相信阿May見到嗰個可能係死神呼喚o既先兆。[/size]
