小學生 2007-6-29 16:21
大埔跳樓孖兄弟
[size=12px]大埔跳樓孖兄弟
時間：今年中秋節•地點：大埔廣福擥•人物：大孖、細孖
同一座樓住o既一對孖兄弟。佢兩個同我一樣讀緊中四，平時都有一齊玩o架。o個日佢兩個o係Lift口行來行去，好似唔知點算好咁。我見到覺得好奇怪，咪行埋去問佢o地。大孖答：「我o地想返屋企呀！」我心諗要返咪返囉。跟住問佢：「你o地冇帶鎖匙咩﹖o黎我屋企坐陣先啦！」但大細孖都唔啋我，好心著雷劈，我就返屋企囉！
一返到屋企，我同阿媽講：「頭先見到大細孖，佢o地好似冇帶鎖匙，我好心叫佢o地入o黎坐陣先，點知佢兩個鬼咁寸，唔啋我！」聽到我咁講，我阿媽突然面色都變埋，係咁鬧我：「亂講乜o野呀你﹖唔好再亂講o勒！」我話：「隔籬鄰舍人o地冇屋企返，畀人入o黎坐𣈳有乜所謂呀﹖況且人o地都冇入o黎坐o者！」我阿媽即刻口震震咁講：「衰仔仲講，大細孖噚晚跳樓死o左o勒！你點會見到佢o地呀﹖」
原來大細孖無端端o係前一晚o既凌晨過o左去上水彩園擥跳樓死o左，今朝我返學後已經有差佬上o黎搵佢o地父母去認屍。聽到之後我即刻嚇到呆o左，食緊o個條雪條係咁溶都唔知。我真係清清楚楚見到佢兩個o架！仲同佢o地傾偈，唔通我真係見鬼﹖
不過聽o的街坊講，有人o係佢兩個死o左差唔多一個月之後，亦見到大細孖由屋企出去返學。但係之後就再冇人見過佢o地，我諗住冇事啦！點知今個中秋節我去完夜街返屋企時，又見到佢o地呀！
當時大約係凌晨三點幾，當我經過樓下花槽行返我住o個幢樓時，迎面而o黎有兩個好熟口面o既男仔向我揮手。我初初都唔係咁清楚係邊個，但係都有向返佢o地揮手；點知當佢o地行近時，我先記得原來佢兩個就係幾年前跳樓死o左o既大細孖。
嘩！鬼呀！佢o地仲行緊埋o黎！我唯有即刻調頭走，跑入間Seven裡面，打電話畀阿媽，叫佢落o黎救我。我唔敢望出去睇佢o地有冇追我或者等我，直至我阿媽o黎到同我講o左好多次見唔到有鬼，我先肯離開Seven返屋企。我依家好想搬離廣福擥，永遠都唔想見佢兩兄弟呀！[/size]
