小學生 2007-6-29 16:22
唐裝鬼開派對
[size=12px]唐裝鬼開派對
時間：96年10月•地點：鄉下中山•人物：詩詩
嗰年o既中秋節，爸爸興起話帶我o地一家返鄉下過節。可能見我o地三姐弟未玩過爆竹，一心諗住帶我o地去見識吓，順便睇吓鄉下點過節。
我o地住o係同爺爺好熟o既同鄉度。嗰間屋係兩層高o既祖屋，擺設好陳舊，樓底又高，總之好似間古老大屋，感覺唔多好。
食過晚飯後，我覺得個頭好痛，同爸爸講我唔出去玩，想休息一下。媽媽見我臉青口唇白，送o左我入房瞓佢先出去玩。
o係我瞓到矇查查o既時候，感覺到身邊有個人瞓o左落o黎。我以為係姐姐玩完返o黎瞓覺，冇特別理會。但聞吓聞吓，發覺點解會有陣酒臭味，姐姐唔飲酒㗎。轉過身一望，當堂嚇呆。一個著住唐衫戴住唐帽o既男人o係我隔籬瞓到直一直，塊面仲好似死屍咁白。
我驚到嗌救命，但開o左口都冇聲出。後來聽到好多人聲，好似開Party咁嘈。我見自己郁得咪行落樓下睇睇，見到有成六、七個咁上下o既唐裝人o係度嘻嘻哈哈，飲酒大笑，我驚到坐o係樓梯，郁都唔識郁。
突然廳內o既大笨鐘噹噹聲響起，我望一望，係十二點鐘。咁o岩我啲屋企人玩完返o黎，就o係佢o地開門嗰下，嗰六、七個唐裝鬼立即消失。我講畀佢o地知，佢o地唔多相信。後來發覺有個女人唐裝頭飾o係個廳中間，佢o地先相信，仲嚇到個個即刻返房瞓。[/size]
