3P 論壇

 找回密碼
 馬上註冊
搜索
熱搜: 活動 交友 discuz
查看: 3837|回復: 24

轉載:某love版的巴士男的故仔

[複製鏈接]
發表於 2007-3-14 17:08:37 | 顯示全部樓層 |閱讀模式
因呢個係真實事件...但會經我整理...
 樓主| 發表於 2007-3-14 17:09:01 | 顯示全部樓層
2006年11月13日....


頭先七點半鐘係觀塘創紀之城搭11B
見到旁邊有個女仔係度等車
其實果陣都覺得唔錯
跟住我先排隊上車
坐左係尾二果排,四張面對面既椅到
後來佢上車坐左係最後排,之後我想望真d佢個樣
就轉左坐左對面倒頭車果排椅到
跟本沿途都有眼神交流
最後佢由九龍灣至到宋皇台目不轉睛咁望住我
果刻我話比自己知唔可以錯失呢個機會
我唔落車住,到佢落車就跟埋佢落車
落左車之後就急步行去佢面前
直接咁同佢講:不如交換電話好嗎?
佢比完我,我再打比佢,響左一下收線
無幾耐佢就打返比我啦
個感覺好唔知點
因為自己從來都無試過咁樣識女仔
而家真係訓唔著覺
 樓主| 發表於 2007-3-14 17:09:18 | 顯示全部樓層
11月14日....


今朝早打比佢,佢無聽電話,過左半個鐘,佢打返比我,話比我聽,佢頭先訓遲左先起身,所以聽唔到我電話,講左幾句就收左線。

過一陣,我send SMS問佢今晚一唔一齊食飯,佢無理我。

大概一個鐘之後,佢打比我,話:唔好意思呀,我岩岩先睇到你個短訊,我轉頭話返比你知今晚o唔ok啦。 (我個心呢刻有d沉)

無幾耐,我好白癡咁發左個短訊比佢:如果你有男朋友,唔鍾意我搵你或者約你,你唔怕同我講丫,我好唔鍾意呢種關係。

Lunch佢無打比我,下晝,佢發個短訊比我:其實我想聽日先食飯,我想睇戲多d。

收工,我打比佢,佢做緊野,講左幾句就收線。

到佢收工,大概八點,佢打黎,好開心咁話,咁我地聽日睇咩戲呀?我就答佢,唔好意思呀,我聽日有野做呀,不如後日啦。最後佢話:後日都得既...,我問佢點解今日唔出去既,佢話,應承左屋企人返屋企食飯,然後講左幾句就收線lu,一陣再打比我。

我發完個短訊之後係覺得自己有少少衝動
但佢好似有意無意間恛避我個問題

自問自己都無試過咁主動,亦唔知道點解平時被動開既我,會咁大膽同主動。

其實而家腦入面大概記得呢個女仔咩樣,就係呢樣野,令我尋晚基本上都無咩點訓過,訓到五點,起身望一望個鐘,發覺未天光,過一陣又起身,成晚起左不下十次身,因為我記得佢講過每日都會八點七個字出門口返工,我就係等緊八點七既來臨,點知等極都訓唔著,訓唔著就越等得耐。

最後成晚斷斷續續訓左大概四個鐘到。

係佢出現之前,個心仍然都仲未有一種拍拖既衝動,個心重覺得,就算有合眼緣既女仔,都未必會一齊,但事隔幾日,竟然只係一個見過幾眼既女仔,居然會搞到自己咁。都唔知自己無啦啦沉得咁緊要,"奶野"啦今次
 樓主| 發表於 2007-3-14 17:09:35 | 顯示全部樓層
11月15日....


今日我地講左三次電話
係比較似以朋友既身份去傾既電話
同之前唔同,我已經無左果種成日形住佢想收線既感覺

但都係一樣,佢仍然無問過有關我既任何野

令大家講得最投入既話提,就係講到我問佢拎電話果part,佢話佢從來未試過比人係街度拎電話,而我就明知唔應該講果句都講埋:其實我都係第一次問人拎電話,我知我講完你都未必會信....

令我最開心既係,今日真係令我有一種同朋友傾電話既感覺,其次就係頭先我打比佢,講左我既來意之後,佢轉左個隔離線,大概五秒後,轉返過黎同我繼續講...
 樓主| 發表於 2007-3-14 17:10:20 | 顯示全部樓層
11月16日..


其實不斷咁話比自己聽,就算唔得,咪當係識個朋友囉
但如果佢真係有男朋友,我會選擇好唔開心咁放棄,唔再搵佢
其實第一眼睇到呢個女仔,覺得佢真係自己想揀果種女仔,雖然只係同佢傾過幾次電話,但覺得呢種性格既女仔就係我想要果種,同我鍾意開果種好似

今日本來同佢出去睇戲(原先約左前日,但佢要返屋企食飯,之後改做尋日,但我有事,最後改做今日,到左今日,佢有事,又唔得)
好似整定出唔到去咁,我唔知係巧合定佢唔想去,都唔知應唔應該再約佢出去,個心真係有d灰,而今日出唔到去既原因,係話佢屋企人入左醫院,既然個理由咁充份,我相信佢亦都唔會為左推我而話屋企人入左醫院,所以我都無野好講

最後因為佢屋企有事
而去唔到
原因係佢屋企人入左醫院
要去探病

頭先,佢打比我同我講,唔好意思
今日去唔到,即時約返我聽日去

本來有少少想放棄

其實係佢打黎之前,我曾經諗過選擇放棄
因為我覺得呢個女仔已經有男朋友,同埋唔會再搵我
加上聽左咁多人講既野,真係好多謝你地
無論對於support我或姐係唔support我既人既睇法
理由都好充份,有人話,既然到最後都可能會唔開心收場
倒不如,跟本無開心過,呢個係比較容易讓我接受既決定

點知佢一打黎,就成個人從新叉返電咁
而家我又想試下踩返落個"tum"到。

我真係好唔想做第三者呀
呢種感覺真係好難受
每當我諗起自己鍾意既人,係唔同自己一齊果陣
同另一個男仔拍拖果陣,呢種感覺真係好難受
 樓主| 發表於 2007-3-14 17:10:39 | 顯示全部樓層
11月17日


今日本來約左佢睇戲,時間係七點半,我收五點,佢就收六點。

今朝,佢用公司電話打比我,我忙緊公司野聽唔到,過左半個鐘,佢用手提打比我,我都係唔得閒接(因為公司好忙),後黎我得閒d果陣,我打返比佢。

佢一拎起電話果陣,就同我講:我頭先用公司電話打比你,點解唔接既
我就答佢:我有野做緊,但到我拎起電話果陣你已經收左線啦

佢又再問:咁我用手提打比你,你又唔聽既。(其實我真係好開心佢會咁樣同我講,起碼呢一刻,我覺得佢care點解我唔接佢電話,呢一刻個面上都笑左出黎)
我再回答:你用手提打比我果次我就真係做緊野,接唔到,sorry。

但到左五點鐘,佢打黎,我開緊會都行埋一邊接佢電話,佢話公司有野要做,可能要晚少少先走得,佢無話唔去睇戲,而係問我睇九點好唔好,我當然話好啦。

之後,我就去戲院睇下個時間,諗起其實睇完都好夜,就send左個sms比佢話:我怕睇完會好夜,不如我地下次先睇啦。

之後坐左係公園,希望佢會打黎,最後,無打黎,我諗佢真係有野做。

呢一刻,我發覺我唔應該係屋企,就算等佢,都應該係街度等,因為係屋企等,實在太無誠意啦。
我而家要出去啦,多謝大家既提醒,我決定左,係我未知道佢係咪真係有男朋友之前,我會盡我努力去追佢,就算第二日後悔既話,就由得佢後悔啦,趁佢重未收工,我要出去等佢啦。再見。
(3小時之後...)

由九點半,坐係戲院隔離等到十一點
我曾經打過比佢,問佢係咪仲做緊野
佢話係,做完野打比我

最後我返到屋企,一個電話都無
可能我對今晚呢個約會實在抱太大祈望啦
失望既同時,更加令我心痛
返屋企果陣,我照舊搭返11B
落遲左幾個站,係返上次問佢拎電話果度落車
原因唔係想試下撞下佢
而係唔想咁快返屋企住
沿住行人路行返屋企
一路都行得好慢好慢,好無心機,好唔開心
好耐都無試過唔開心啦

我反省自己果陣,諗下,其實係唔係我太被動呢
今日去睇戲,佢打左兩次電話黎,但我聽唔到
要個女仔專登打黎問我夜晚睇戲點,係咪真係過份左呢?
到左夜晚,個女仔都唔怕夜同我睇九點半,最後我竟然懶細心,怕太夜
係咪真係我做錯左呢?
 樓主| 發表於 2007-3-14 17:10:57 | 顯示全部樓層
11月18日....


尋晚,返到屋企之後,都已經係十一點幾,係呢個谷出完post之後
就打左個電話比佢,佢好"倉拙"咁話係公司做緊野,收左工打比我

到左十二點,佢一離開公司之後就打比我,我同佢傾偈傾到佢返到屋企,
我既感覺算係好返好多

到左今朝十一點鐘,我打比佢,同佢傾左一陣電話,內容大致上都係講返今朝忙唔忙呀,一d無咩內容既閒偈。到左一點三,佢再次打比我,話比我聽佢已經收左工,同埋話比我聽佢今日會做咩,叫我得閒就打比佢。因為我同同事食緊飯,我就話轉頭打比佢。

到左五點一個字,再次收到佢既電話,問我係咪已經收左工,傾左大概十五分鐘之後,就收左線。

離開公司既時候係六點,原因係因為今晚公司有function,要同公司同事出去。所以我都send左個短訊比佢"報告"下我既行程,發左短訊之後大概一分鐘,再次收到佢既電話。

佢問我:點解咁突然公司會有function而都無聽你之前提過既。
我就答佢:其實去呢個function都唔係一早plan定,只係本來諗住夜晚會約你,但你有野做,同事臨時叫我去,所以先去,你唔係做緊facial架咩,點解可以講電話既?
佢既答案係:隻手無做facial嘛,所以咪打到比你囉,係喎,不如我地星期一或者二去睇戲丫,等我去買飛,廢事你一套戲買三次飛(佢咁講,係因為我之前約佢兩次最後都有事去唔到)
我回答返佢:咁又唔駛,戲飛係應該由男仔買既,再唔係,到時出黎先一齊去買啦,反正星期一、二都無咩人睇戲。
之後無幾耐收左線。

係公司呢個function入面我都有打過比佢同佢傾偈,但都係一句起兩句止。

大概十一點鐘,佢同我講話而家去緊朋友屋企同朋友傾偈飲酒(姑勿論佢呢個係朋友定男朋友)問我係邊度同埋做緊咩然後就係臨收線之前同我講:我到左朋友屋企再打比你,我驚個電話到時無電。

雖然我仍然未知佢有無男朋友,但今日佢既表現都令我挽回唔少信心。
其實上黎post比大家睇,唔係想大家當小說咁睇,而係想大家以局外人第三者分析係我既處境,無論係支持或者係反對既,我都會覺得好感激。
 樓主| 發表於 2007-3-14 17:11:24 | 顯示全部樓層
11月19日


直到十一點半,佢話重係個朋友屋企,跟住就收線。
過左幾個字,佢打返比我:
我同佢講:其實你呢個係男朋友定係你朋友?
佢問:點解咁樣問既?
我回答:如果正如真係你所講,得你朋友同佢男朋友係間屋,可以由尋晚流到今日夜晚都唔走,唔會覺得好怪架咩,而且,當你係你朋友屋企同我講電話果陣,對話好似有少少答非所問,好似唔想比身邊既人知道你同緊一個我講電話咁。
佢回答:都唔係呀,無咩特別呀。係喎,我地係咪聽日去睇戲呀?
我話:我諗我都係唔去,遲下有機會先再算啦,同埋,不如我地都係當無識過啦,雖然識左你係好開心,但我地好似完全兩個唔同世界既人咁,只係無啦啦有一日,有機會大家interrup左對方,我地識左七日,個感覺仍然都係好陌生咁,我好厭呢種感覺,我好厭呢種成日去估估下既心態呀。
佢話:咁好啦,遲d得閒既話就搵下我啦。


我相信就算我有機會同佢一齊,第時都會好辛苦。
反而我諗,預其佢本身真係有男朋友既話,點解佢之前要不斷搵我呢?
唔通我真係比人當水泡?
 樓主| 發表於 2007-3-14 17:11:58 | 顯示全部樓層
11月20日


一早九點,接到既電話,竟然係佢。

佢問我:點解尋晚無啦啦咁樣講,如果有咩唔開心,可以坦坦白白喎。
(呢一刻,我已經無地置容)
我回答:其實我主動識你,唔多唔少都有其望,但我感覺你有時做既野,好似有心去暪住我一d野咁,當然,我唔係你咩人,站在朋友立場,你有咩都可以主動同我講。但我最怕既係,你有時唔好意思開口,例如你有男朋友,而我又成日主動搵你,你會覺得麻煩。
佢話:我無咩暪你,如果你話我有心唔比身邊既人知道你既存在,我可以連電話都唔聽(呢一刻,我感覺自己真係好幼稚,竟然會諗呢d野,可能果刻對佢既好感令我懵閉左。
我話:可能我真係誤會左,有時你聽電話既語氣可以真係分別好大。令我唔知點應對。
佢話:你咁諗都無錯,但既然我打得比你,希望你都會sense到我諗緊咩囉。
講左幾句之後就收線。

大概到左十一點鐘,我發左個短訊比佢,內容係:
"Sorry,都唔知點解無啦啦會講d咁既野,不如今晚請返你睇戲啦,既然之前約左咁耐,都無真正出過"

過左幾個鐘,佢都無應我,大概到五點半鐘,收到佢既電話,問我係咪睇戲呀?
約好左時間地點之後,我就去左買飛。約左七點八係戲院門口,佢話七點收工,但到左七點五個字,佢先打黎話而家先離開公司。但最後都趕得切黎。

睇戲既過程都無咩特別,只係叫我比件衫佢,因為佢覺得凍。

睇完場戲後,佢問我去邊,我話無地方去,佢提議去打機。一路打,打到十一點半,送左佢返屋企,臨走前,佢同我講:我返到屋企之後打比你。佢返到去之後,無打比我,只係發左個短訊話我知會沖完涼打比我。

整個夜晚,大家都好開心,基本上無咩暇"痴",而佢個電話成晚都無咩點響過,呢一刻,我已經知道佢應該無男朋友,今日出去之後,令我有種失而複得既感覺,但尋晚既事,有少少令我唔知點面對佢。
 樓主| 發表於 2007-3-14 17:12:22 | 顯示全部樓層
11月22日


我同佢好似無咩特別發展過,尋日朝早,發左個短訊,內容都係問下佢,返左公司未呀,天氣轉涼呀,之類一d無咩內容既野,但佢無回覆,到左下晝,兩點到,我打左個電話比佢,但佢無聽,亦無打返比我。

我以為佢無帶電話,所以一直到夜晚十點半,先再打比佢,今次,佢有聽電話,原來佢同朋友出左去買野,講左幾句,佢話返到屋企打比我。

到左夜晚一點,佢打比我,我好surprise咁同佢講:估唔到你真係會打比我喎,我諗住你係講下添。
佢回答:應承左你架嘛,咁而家沖完涼,咪打比你囉。
我就笑住咁話:你每次返到去話打比我,最後都無打,尋晚已經係啦。
佢再講:咁今次補返數囉。
我同佢講:今朝send左短訊比你,又打過比你,見你唔覆,以為你無帶電話。
佢就回答:我今朝打過比你,但去左留言。

坦白講,無啦啦個電話點會飛落留言丫,不過就算我唔信,都無野可以做到。

到左今日,我朝早send左個短訊比佢,但就無打過比佢,而佢,亦無回覆或姐打過比我,今日既情況,令我覺得大家既距離又再次遠左。
您需要登錄後才可以回帖 登錄 | 馬上註冊

本版積分規則

小黑屋|手機版|Archiver|3P 論壇

GMT+8, 2018-1-20 09:26 AM , Processed in 0.062408 second(s), 20 queries .

Powered by Discuz! X3.2

© 2001-2013 Comsenz Inc.

快速回復 返回頂部 返回列表