電話查詢笑話

電話查詢笑話

Case 1 –私自翻譯形
接線生：你好，電話查詢，請問有咩幫到你？
小姐：唔該我想查咆哮？！
接線生：（咆哮？？？？？）請問係咪口字一個包，口字一個孝呀？
小姐：係呀！
接線生：（？？？？？）唔好意思，無呢個登記喎！
小姐：？？！唔係丫嘛！佢係連鎖時裝店黎架，或者你用英文試試？！
接線生：係，請講！
小姐： B...A...U...H...A...U...S
接線生：（嘩...小姐，你無野呀化？咁譯都得呀？）
哦∼Bauhaus呀，請記低...

Case 2 –奪命偕音形
接線生：你好，電話查詢，請問有咩幫到你？
亞嬋：唔該幫我“話沙池”？！
接線生：係，請等等！（嘩...亞嬋咁型，著Versace？？）
小姐， 請記低2xxx xxxx！
亞嬋：咦！個效碼好似唔係拱架喎，響田門架， 應該 2 4字頭架！
接線生：（屯門有Versace咩？接線生開始意識到d野......）
小姐，請問係咩公司黎架？
亞嬋：振府睇醫生架！
接線生：（頂...）小姐，衛生署下話？
亞嬋：係呀！
接線生：（比你玩死！）係，請記低號碼......



Case 3 –奪命偕音形
接線生：你好，電話查詢，請問有咩幫到你？
亞伯：喂！我要個“朼肉粉蓮葛”同“蒸瘦雞根”
接線生：（亞腥，呢度無外賣叫架喎！）
先生，唔好意思，請問係咪公司名黎架？
亞伯：唔係呀...獨私架！！！
接線生：（死火...完全無idea）
先生，唔好意思，咁可唔可以重複一次？
亞伯：（開始想發老脾）
都話“朼肉粉蓮葛”同“蒸瘦雞根 ” 咯！

接線生：（你老闆丫，我都未發老脾呀！）請問係咩機構黎架？
亞伯：都話獨私咯，獨私果d雞根呀，乜你咁蠢架？
接線生：（我蠢都起碼講野講得清楚先啦，亞腥！）麻煩你等等！
接線生 hold住條線諗左10秒， 終於有d眉目. . . . . .
接線生：先生，你係咪想查“ 進修基金”呀？
亞伯：係呀，死蠢！
接線生：（接線生火都黎埋，“死蠢”佢又講得好清楚喎） 先生，咁“朼肉粉蓮葛”又係咩呢？
亞伯：粉蓮果d朼肉粉蓮葛呀，你唔知呀？！
接線生：（根據接線生既經驗，呢味“朼肉粉蓮葛”同果味“蒸瘦雞根一定有關係）先生，請問係咪”職業訓練局“呀？
亞伯：咪係囉，徒晒我d時間！
接線生：（你咪仲徒納稅人d錢，學人進修喎！）先生，請記低號碼 ......